本週港股低見21770,真係比我估中要見一見21000!最後收回22000點邊沿~高油價問題還是影響全世界股市的主因.美股近來係咁跌,亞洲各地股市都係無個起頭,越南又話有金融危機!不過香港D專家紛紛講本港股市基調穩固,下週會見低,但願如此啦!我個老友$148買左港交所問我點算!我都唔知點答佢^^為有同佢開個盤睇睇流年安慰下佢啦!(一笑)

外匯方面美金6月份先升後回,相對來講美金對各主要外匯保持係低水平,美元弱勢也是高油價原因之一,因為原油是用美金報價也!中東佬紛紛減產及炒高期油對沖來自美元下跌的損失.所以美元一日不轉強勢,油價要回落又會難一d^^

本週美元升浪咁短命,手頭D單中左兩招...

歐元升穿1.5650開好倉,又睇睇得唔得!

日元止蝕成交!美金升浪打回原形但美金升浪都未破壞~暫時睇睇先!大家都知我唔太愛渣yen^^

瑞郎跟隨歐元齊齊升見1.0182收市,又比人食左我150點~慘死!

加元又回升見1.0103,主動平倉又比人食左81點啦~唔玩著啦~

英磅週三收1.9755開好倉,週五收1.9945~推前止蝕盤保本先!有200點補番都無咁心痛^^

澳元又升見0.9603收市~還是唔想追渣,LOOK LOOK先好~玩少D唔洗死!

下週見!